Жарияланды 21 Тамыз 2024

Мемлекет басшысы Астанадағы бірқатар жаңа мектепті аралап көрді

????Президент елордада «Жайлы мектеп» ұлттық жобасы аясында салынған жаңа білім ошақтарына барды.

????Мемлекет басшысы Астана қаласының Есіл ауданындағы №103 мектепке барып, заманауи құрылғылармен жабдықталған оқу кабинеттерін аралап көрді.

????Президентке оқу-тәрбие жұмыстарына қолайлы жағдай жасау жаңа мектептердің басты ерекшелігі екені айтылды. Білім ордасының аумағы мен ғимарат ішінде оқушылардың қауіпсіздігі толықтай қамтамасыз етілген. Ол үшін бейнебақылау жүйесі орнатылған. Бастауыш және жоғары сынып оқушылары жеке-жеке блоктарда білім алады, ерекше қажеттіліктері бар балаларға тиісті жағдай жасалған.

????Қазіргі кезде мектептің ішкі әрлеу жұмыстары аяқталып қалды. Сонымен қатар жиһаздар мен құрал-жабдықтар орнатылып, абаттандыру жұмыстары жүргізіліп жатыр.

t.me/aqorda_resmi

Жарияланды 27 Қыркүйек 2022

Оқушылардың қазақ ақыны, жазушысы Сырбай Мәуленовтың өмірі мен шығармашылығы туралы білімдерін кеңейту мақсатында Пригородный жалпы білім беретін мектебінде Сырбай Мәуленовтың 100 жыл толуына және Балалар жылын мерекелеу аясында «Өлең өмір сүрсе, ақындар  өмір сүреді» атты танымдық сынып сағаттары өткізілді, «Сырбай Мәуленов: ақындар төрінен» атты бейнеролик көрсетілді, «Менің әкем – С.Мәуленов» атты поэзия минуты өтіп, мектеп оқушылары ақынның өлеңдерін жатқа оқыды.