- Мемлекеттік мекеме зайырлы және діни білім берудің бөлектілік қағидатын сақтайды. Діни тәрбиенің кез келген түріне жол берілмейді.
- Саяси партиялардың, қоғамдық-саяси және діни қозғалыстар мен ұйымдардың ұйымдастырушылық құрылымдарының құрылуына және қызмет етуіне жол берілмейді.
- Оқытудың зайырлы сипатын іске асыру және мемлекеттік мекеменің білім алушылары арасындағы әлеуметтік, мүліктік және өзге де өзгешеліктердің белгілерін жою мақсатында Қазақстан Республикасының заңнамасына сәйкес Міндетті мектеп формасына қойылатын талаптар белгіленеді.
- Мектеп формасы білім алушылардың жас ерекшеліктері ескеріле отырып енгізіледі.
Мектеп формасының түсін, үлгісін және юбкасының ұзындығын таңдау мемлекеттік мекеме айқындайды және жалпы мектептік ата-аналар жиналысының хаттамасымен бекітіледі.
- Міндетті мектеп формасына қойылатын талаптар мемлекеттік мекеменің фойесінде, ал танысу үшін мемлекеттік мекеменің Интернет-ресурсында орналастырылады.
- Басшы ата-аналарды немесе өзге де заңды өкілдерді жалпымектептік ата-аналар жиналысында білім беру қызметтерін көрсету жөніндегі шартты ресімдеу кезінде міндетті мектеп нысанына қойылатын талаптармен таныстырады.
- Тиісті мемлекеттік органдар шектеу іс-шараларын жүзеге асырған, төтенше жағдай енгізілген, әлеуметтік, табиғи және техногендік сипаттағы төтенше жағдайлар, форс-мажорлық мән-жайлар туындаған жағдайларда, ата-аналар балаларды шектеу іс-шаралары алынып тасталғанға, төтенше жағдайдың, форс-мажорлық мән-жайлардың қолданысы тоқтатылғанға дейін мемлекеттік мекемеге балалар бара алатын іскерлік, классикалық стильдегі ыңғайлы киіммен қамтамасыз етеді.
