Жарияланды 14 Шілде 2026

Құрметті ата-аналар!

Жаңа оқу жылы қарсаңында міндетті мектеп формасына қойылатын талаптар Қазақстан Республикасы Білім және ғылым министрлігінің 2016 жылғы 14 қаңтардағы №26 бұйрығымен регламенттелетінін хабарлаймыз.

2026-2027 оқу жылында қолданыстағы бұйрық басшылыққа алынады.

• Орта білім беру ұйымдарының міндетті мектеп формасы оқытудың зайырлы сипатына сәйкес келеді.
• Мектеп формасы білім алушылардың жас ерекшеліктеріне қарай енгізіледі және күнделікті, мерекелік және спорттық болып бөлінеді.
• Ұлдардың мектеп формасы: пиджак, жилет, шалбар, мерекелік жейде, күнделікті жейде, не түймелері бар немесе сыдырмалы тоқылған күрте/кардиган, поло жейде немесе тенниска (қысқы мезгілде: трикотаж жилет, водолазка). Ұлдарға арналған шалбарлар еркін тігілген және ұзындығы бойынша тобықты жауып тұрады.
• Қыздардың мектеп формасы: пиджак, жилет, юбка, шалбар, классикалық жейде, не түймелері бар немесе сыдырмалы тоқылған күрте/кардиган, поло жейде немесе тенниска (қысқы уақытта: трикотаж жилет, сарафан, водолазка). Қыздарға арналған шалбарлар еркін тігілген және ұзындығы бойынша тобықты жауып тұрады.
• Мектеп формасына түрлі діни конфессияларға қатысты киім элементтерін қосуға болмайды (Қазақстан Республикасы Білім және ғылым министрінің 2016 жылғы 14 қаңтардағы № 26 бұйрығының 13-тармағы).
• Ата-аналар мен өзге де заңды өкілдер мектеп формасын тігетін кәсіпорынды немесе оқушы киімдерін сататын сауда желісін өздері таңдайды.
• Ата-аналар және өзге заңды өкілдер білім алушылардың орта білім беру ұйымында белгіленген мектеп формасын киюіне жауап береді.

Жарияланды 01 Сәуір 2026

Болашақ бірінші сынып оқушыларының

ата-аналарының назарына!

2026 жылы орта білім беру ұйымдарының бірінші сыныбына қабылдау қағидаларына өзгерістер енгізілді.

Бірінші сыныпқа құжаттарды қабылдау әр облыс үшін кезең-кезеңімен жүргізіледі. Мұндай шешім электрондық egov.kz. үкімет порталына жүктемені азайту мақсатында қабылданды

Қостанай облысында құжаттарды қабылдау 2026 жылғы 18 маусымнан 31 тамызға дейін жүзеге асырылады.

Сондай-ақ, осы жылдан бастап мектептер жанындағы мектепалды сыныптардың тәрбиеленушілері ата-аналарының немесе оларды алмастыратын адамдардың өтініші негізінде бірінші сыныпқа автоматты түрде қабылданатынын хабарлаймыз.

Егер ата-аналар мектепке дейінгі сыныпты бітіргеннен кейін басқа мектепті таңдаса, құжаттарды беру жалпы негізде жүзеге асырылады. «Білім туралы» Қазақстан Республикасының Заңына сәйкес бірінші сыныпқа 6 жастан бастап балалар ата-аналарының өтініші бойынша даярлық деңгейіне қарамастан қабылданады.

Қажетті құжаттар тізімі:

1. ата-аналардың немесе өзге де заңды өкілдердің өтініші;
2. денсаулық жағдайы туралы анықтама (№065-у нысаны) және баланың денсаулық паспорты (№052-2/у нысаны);
3. 3×4 см фотосуреттер (2 дана).

 

Құжаттарды қабылдау тәртібіне немесе беру мерзімдеріне өзгерістер енгізілген кезде тиісті ақпарат Сіздің назарыңызға уақтылы жеткізілетін болады.